Zarjadniski zwjazk-Verwaltungsverband
 
 
Folklorny festiwal-Folklorefestival
 
 
TCM
 
 
Lausitz.de
 
 
Oberlausitz.com
 
 
Starownja-Altersheim
 
Wuběr rěčow:

DOMOWINA - regionalny běrow

Župa "Michał Hórnik" Kamjenc
-regionalny běrow

Regionalny rěčnik: Clemens Škoda
Při pastyrni 4
01920 Chrósćicy

tel.: 035796 96254
fax: 035796 98960
mobil: 0173 3515440


e-mail: rbc[at]sorben.com
web: http://www.rbc.sorben.com

Regionalne běrowy Domowiny wutworichu so w lěće 1996. Spočatnje běše regionalny běrow Domowiny w nětřišim twarjenju zarjadniskeho zwjazka "Při klóšterskej wodźe" w Pančicach-Kukowje zaměstnjeny. Wot 1998 ma wón swoje sydło w twarjenju gmejnskeho zarjada "Łužica" w Chrósćicach.

Dźěłowy wobłuk regionalneje rěčnicy je sćěhowacy:

  • rěčnik resp. rěčnica třěšneho zwjazka Domowiny we wotpowědnym regionje
  • poradźowanje přiradow a zamołwitych za serbske naležnosće we wokrjesach a gmejnach
  • pomoc napřećo wokrjesam a gmejnam při zrealizowanju nadawkow ke škitej a spěchowanju serbskeho ludu a při wobkedźbowanju serbskich naležnosćow w komunalnym planowanju
  • zwěsćenje potrjeby k jednanju při zwoprawdźenju zakońskich postajenjow ke škitej a spěchowanju serbskeho ludu
  • podpěra při kubłanskich projektach w teritoriju a koordinacija procesow za dorozumjenje w naležnosćach předšulskeho, šulskeho a zwonkašulskeho kubłanja
  • pomoc a podpěra za realizaciju župnych předewzaćow župy "Michał Hórnik" Kamjenc, předewšěm w kubłansko-politiskich naležnosćach resp. při składnosćach nadregionalnych projektow, kiž wužadaja sej kooperaciju z dalšimi towarstwami a zarjadami
  • analyza a dalesposrědkowanje regionalnych serbskich zajimow na zarjad Domowiny we wuskim zhromadnym dźěle ze župami
  • narěčny partner za wšitke towarstwa a wšitkich Serbow regiona kaž tež přećelow a spěchowarjow Serbow

 

Župa "Michał Hórnik"Kamjenc
Při pastyrni 4
01920 Chrósćicy

Regionalny běrow Domowiny je zdobom tež běrow župy "Michał Hórnik" Kamjenc integrowany.
Županka je knjeni Trudla Kuringowa z Pančic-Kukowa.

Dnja 13. oktobra 1912 zetkachu so zastupjerjo wjacorych towarstwow we Wojerecach a załožichu Domowinu jako swój třěšny zwjazk.
Dnja 21. julija 1921 załožichu so prěnje tři župy Budyšin, Kamjenc a Wojerecy, kotrymž dalšej dwě slědowaštej. W času nacistiskeho knjejstwa so Domowina zakaza.
Dnja 10. meje 1945 bu Domowina na iniciatiwu dr. Jana Cyža, Michała Čunku, Franca Natuša, Jurja Ješku a Mikławša Brězana znowa w Chrósćicach pola Natušec załožena.
Župa "Michał Hórnik" wopřija rum mjez městami Kamjenc, Budyšin a Wojerecy. Rum wobmjezuje so na pjeć dwurěčne gmejny, kotrež přisłušeja zarjadniskemu zwjazkej "Při klóšterskej wodźe" w Pančicach Kukowje. 
K župje "Michał Hórnik" Kamjenc přisłušeja tuchwilnje 13 Domowinskich skupinow a towarstwow, kaž tež 8 kulturnych ćelesow ze 750 sobustawami. Nimo toho su w tutych pjeć dwurěčnych gmejnach hišće dalše skupiny a towarstwa, kotrež so wo zdźerženje serbskeje rěče a kultury prócuja.
Směrdawace za dźěło župy "Michał Hórnik" su wustawki a program župy, po kotrymž so kóždolětnje dźěłowy plan nastaji.
Kóžde druhe lěto zwoła župne předsydstwo swoju hłownu wólbnu zhromadźiznu, na kotrež so župan resp. županka a župne předsydstwo wuzwoli.

Čłonojo župneho předsydstwa:

Cyžowa, Zala
Delenkowa, Hańža
Deleńkowa, Marhata
Hrjehorjowa, Marja
Kuringowa, Trudla
Šmit, Měrko
Šołta, Enrico
Šołta, Jan
Wowčer, Rafael
Wróblec, Jadwiga

Přehlad županow wot lěta 1945:

1945-1950 Franc Natuš z Chrósćic (nar. 1898, zemr. 1950)
1951-1952 Michał Kokla z Noweje Wjeski (nar. 1907, zemr. 1967)
1952-1954 Jan Bětnar z Pančic-Kukowa (nar. 1920, zemr. 2005)
1954-1957 Jurij Žur z Ralbic (nar. 1900, zemr. 1967)
1957-1983 Jurij Wowčer z Róžanta (nar. 1926, zemr. 1983)
1984-1996 Rafael Wowčer z Róžanta (nar. 1950)
1996-2002 Benedikt Cyž z Lejna (nar. 1948)
2002-2004 Měrko Šmit z Worklec městopředsyda (nar. 1958)
wot 2004 Trudla Kuringowa z Pančic-Kukowa (nar. 1940) 

Impressum und Datenschutz | Impresum a škit datow