Zarjadniski zwjazk-Verwaltungsverband
 
 
Folklorny festiwal-Folklorefestival
 
 
TCM
 
 
Lausitz.de
 
 
Oberlausitz.com
 
 
Starownja-Altersheim
 
Wuběr rěčow:

Swjedźeń Božeho ćěła

Wosebje swjatočny je procesion na wysokim katolskim swjedźenju Božeho ćěła. Nimale wšitcy wosadni wobdźěleja so na Božich słužbach w cyrkwi a procesionje, kotryž so po wsy přizamknje.
Swjedźeń Božeho ćěła " Wysoki swjedźeń ćěła a kreje Chrystoweje" je swjedźeń cyrkwineho lěta, w kotrymž so přitomnosć Jězu Chrysta we sakramenće eucharistije swjeći.

Družki w swojich pyšnych drastach a mnoho žonow a holcow we wuslěkanej narodnej drasće spožćeja swjatočnosći w cyrkwi a zjawnosći swjedźenski raz. Zdźěla so pola nas na Bože ćěło zaso wulka běła płachćička nosy.

Katolska narodna drasta je přeco, hač wšědnje abo k wosebitemu swjedźenjej nošena, tež zjawne wuznaće ke katolskej wěrje a k serbskemu narodej.

Družča drasta je ryzy cyrkwinska. Čestna družka smě w njej na kwasy, křćizna, firmowanje, w procesionach na Božeho ćěła a na putnikowanja do Róžanta abo na wulkich wosadnych swjatočnosćach hić.

 
Impressum und Datenschutz | Impresum a škit datow