Zarjadniski zwjazk-Verwaltungsverband
 
 
Folklorny festiwal-Folklorefestival
 
 
TCM
 
 
Lausitz.de
 
 
Oberlausitz.com
 
 
Starownja-Altersheim
 
Wuběr rěčow:

Starownja w Chrósćicach

Starownja swj. Ludmile
Zejlerjowa 4
01920 Chrósćicy
Tel. 035796 94730
Fax. 035796 947311
info[at]st-ludmila.de

Naš dom
Dnja 01.decembra 2002 bu w Chrósćicach naša starownja "swj. Ludmile" přez biskopa Joachima Reinelta poswjećena. Nošer tuteho domu je zwjazk Carity Drježdźansko-Mišnjanskeho biskopstwa z.t.

Witajće k nam!
Wšitcy stari a pomocypotrěbni ludźi, kotřiž chcedźa swój žiwjenski wječor z druhimi zhromadnje přežiwić, su w tutym domje wutrobnje witani. Smy wotewrjeni za wšitkich ludźi, njedźiwajcy jich socialneho pochada, financielneho połoženja, nabožiny, swětoweho nahlada a nacionality.

Poskićamy Wam
-přećelnu swójbnu atmosferu
-najlěpše wosobinske, požadanjam wotpowědowace zastaranje a hladanje
-wotměnjace jědźne zastaranje ze swójskeje kuchnje
-płokanje a wuporjedźenje drastow w swójskej płokarni
-dušepastyrske zastaranje, katolske a ewangelske bože mšě w swójskej kapałce
-poskitki za indiwiduelne wólnočasne zaběry
-towaršliwosć při swjedźenjach
-prawidłowne kulturne zarjadowanja a wulěty
-medicinske zastaranje přez lěkarjow
-fyzioterapija, hladar nohow a frizer přińdu do domu 

Wuhotowanje našeho domu
50 jednołožowe a 6 dwułožowe połnomeblěrowane stwy su swětłe a přećelnje zarjadowane, k tomu poskića so telefonowe-, TV- a radijowe přizamknjenje a ke kóždej stwě słuša kupjel a WC. Po wotrěčenju smědźa so tež swójske meble sobu přinjesć.

Přeprošowace rumnosće za zhromadnosć a dožiwjenski wobłuk starownje zmóžnja po potrjebje indiwidualitu a zhromadnosć. Naša moderna kofejownja w přizemi přeprošuje na tykanc a šalku kofeja. W kapałce zmóžnja so čas za měr, rozmyslenje a ćichu modlitwu.

Wosebitosće
Starownja " swj. Ludmile " leži w centrumje dwurěčneje kónčiny Hornjeje Łužicy. Naše dźěło wusměri so na zakładźe křesćanskich zasadow. Swjećimy swjedźeny cyrkwinskeho lěta a wažimy sej tradicije a nałožki.

Zasady a směr
W našim zarjadnišću česćimy jónkrótnosć a dostojnosć kóždeho čłowjeka. Spytamy sposrědkować, zo je Bóh přeco z nami.

Kóždy čłowjek je nam jako wosobina ze swojim indiwiduelnym žiwjenskim nazhonjenjom a socialnym, kulturelnym a nabožnym wuwićom zrozumjeny a přiwzaty. Wobydler domu dyrbi swoje žiwjenje tež nimo swojeje pomocypotrěbnosće kompetentnje a samostatnje rjadować směć.

Impressum und Datenschutz | Impresum a škit datow