Zarjadniski zwjazk-Verwaltungsverband
 
 
Folklorny festiwal-Folklorefestival
 
 
TCM
 
 
Lausitz.de
 
 
Oberlausitz.com
 
 
Starownja-Altersheim
 
Wuběr rěčow:

Młodźinski klub Chrósćicy

Do Chróšćanskeho młodź. kluba chodźa cyłkownje wokoło 50 młodostnych. Wjetšina z nich so w hodownym a jutrownym času w tutych rumnosćach zetka.

Hłowny zamołwity za klub je tučasnje Tomaš Dučman – jeho zastupjer je Tomaš Hejduška.

Kóždy wječor zetkaja so někotři z młodostnych w klubje. Njehladaja jenož telewizor, ale hraja tež zhromadnje karty abo druhe hry, kaž na přikład "Partini", „Čłowjeće njemjerzaj so" abo tež „FIFA“ na tak mjenowanej „Playstation“ a ći kotřiž hrady spěwaja "Singstar".

 

W lěće je telewizor zwjetša hasnjeny, přetož hodźi so wonka blidotenis, baseball abo kopańca hrać. Štóž nima lóšt so do někajkeje hry dać, so do słónčka sydnje a tróšku pobachta.

Při rjanym wjedrje so hólcy tež do dźěła z drjewom daja. Ale tež rjedźenje a hladanje kluba je wšědnje nadawk čłonow.

Ke klubej słuša tohorunja swjedźenska rumnosć . Tuta so po přizjewjenju jako městnosć za zhromadźizny towarstwow a wšelakorich zjednoćenstwow našeje gmejny, kaž tež swjećenje narodninow čłonow kluba poskića.

 

Předewzaća a nadawki w běhu lěta

-W januarje přewjedźe so w rumnosćach domyswjećenje z fararjom Gabrišom Nawku.



-Na hižo po cyłej Łužicy znatej BKA-Lan-party w Chróšćan „Jednoće“ so młodź. klub aktiwnje wobdźěli z tym, zo stara so wo powšitkowne zastaranje wobdźělnikow. (bliše informacije poskići: www.bkaclan.de)



-Kóždolětnje organizuje so přez wohnjowu woboru a młodź. klub mejemjetanje. Za to staji so stan na parkowanišću před gmejnu, hdźež so sobotniše reje wotměja. Na slědowacej njedźeli so potom mejemjetanje w narodnej drasće přewjedźe.

K tomu poskići so wjesnjanam samopječeny tykanc a kofej.



-Hdyž so w Chrósćicach mjezynarodny folklorny festiwal přewjedźe, je młodźinski klub při přihotach, předawanju kaž tež druhich wobłukach zapřijaty.



-Kóždemu młodemu porikej kiž kwasuje, so přez Chróšćanski klub swjedźenska ranka nawije.



-Kóžde lěto wotměje so wulět při wodźe.



-Wot lěta 2008 swjeći so na ležownosći kluba nětko hižo tradicionalna "Halloween-party". K tutemu ewentej so sobustawy přez frizera a visagista Tobiasa Hanuša, kotryž ma we Wětrowje a Chrósćicach frizerski salon, ekstrawagantnje wupyša. Na tutu party witaja přeco rady wšitkich młodostnych.



-Tež na kóždolětnej hodowničce so čłonojo kluba rady wobdźěla.



Kóždy młodostny kiž ma zajim a lóšt je w tutym klubje radlubje witany.



Impressum und Datenschutz | Impresum a škit datow