Zarjadniski zwjazk-Verwaltungsverband
 
 
Folklorny festiwal-Folklorefestival
 
 
TCM
 
 
Lausitz.de
 
 
Oberlausitz.com
 
 
Starownja-Altersheim
 

Pěstowarnja

Pěstowarnja Chrósćicy
wjednica: Angela Młynkowa
Při pastyrni 5 
01920 Chrósćicy
Tel. 035796 96655

Naše serbske dźěćace kubłanišćo "Při pastyrni" wita wšitke serbske dźěći a tež němske dźěći, kotřiž chcedźa serbsku rěć nawuknyć, w starobje jedneho žiwjenskeho lěta hač ke kóncej štwórteho lětnika.
Wotewrjenski čas je wot 6.30 hodź. do 16.30 hodź.

Prěni kontakt k staršim je přizjewjenska rozmołwa w kotrejž so wo

  • dnjowym porjedźe
  • dnjowym wotběhu
  • koncepciji
  • hladanskim zrěčenju
  • časy přebywanja dźěšća w našim domje
  • wosebitosćach dźěsća rěči.


Staršim mjeńšich dźěći skića so tež móžnosć zažiwjenskeho časa z maćerju.

Nadawki - zaměr našeho dźěła
Naš zaměr je, dźěćo jako jednotliwu wosobinu widźeć a je jeho stawje wuwića wotpowědnje spěchować. Chcemy atmosferu tworić, hdźež so dźěćo schowane čuje, hdźež ma móžnosć mnohostronskeje zaběry, hdźež móže so ze sobu samym, z druhimi dźěćimi, kubłarkami a ze swojim wobswětom rozestajeć.

Dźěći maja so k samostatnosći wjesć, w nich ma so wjeselo na wuknjenju zbudźić a maja so tak kubłać,  zo zamóža w zhromadźenstwje z druhimi žiwi być.
Narodnosć a křesćansku wěru chcemy dźěćom na jednore wašnje sposrědkować tak, zo móža křesćanske žiwjenje na wšědnym dnju a na cyrkwinskich swjedźenjach začuć a hódnoty wěry w spočatkach spóznać.

Na rěčnym polu chcemy dźěćom našu maćeršćinu z bjezporočnym wurazom zbližić a hordosć na wukony zbudźić, hdyž so předstajeja spodobne programy z rjanymi serbskimi spěwami, basnjemi a rejkami.

Wobchadna rěč w našim kubłanišću je serbska. Wšitke kubłarki na to kedźbuja, zo so serbuje.

Dźěćom so přez naročny material, hry z ručnymi klankami, zaběry, rozmołwy a cyle jednorje při wotběhu dnja serbski słowoskład rozšěrja.

Wuměnu nazhonjenjow z pěstowarnjomaj w Ralbicach a Malešecach chcemy wutwarjeć a dalewjesć. Skupiny dźěći z tutych pěstowarnjow so mjez sobu wopytaja. Chcemy zhromadne swjedźenje wuhotować.

Impressum und Datenschutz | Impresum a škit datow