Turizm

Chrósćicy a wokolinu pěši wotkrywać

Na spirituelnej turje přez Chrósćicy

Tura wjedźe nimo za region typiskich modlerskich stołpow ke kapałce za padłych swětoweju wójnow, dale k pomnikej za padłych pólskich wojakow, k cyrkwi swjateju japoštołow Symana a Judy a skónčnje ke Kopšinjanskemu hrodźišću.

Na spirituelnej turje přez Chrósćicy »

Na podnurnu staciju w Hórkach

Tura wjedźe z Chrósćic do Hórkow. Nahłe sćěny něhdyšeje skały a dźensnišeho nurjenskeho jězora skića fascinowacy napohlad.

Na podnurnu staciju w Hórkach »

Ekumeniski putniski puć

Ekumeniski putniski puć wjedźe jako dźělny wotrězk Jakuboweho puća a stareje Via Regije wot pólskeje hranicy pola Zhorjelca přez Saksku, Saksko-Anhaltsku a Durinsku hač do Vacha při rěce Werra. Tu ma putnik zwisk k Jakubowym pućam přez Hessensku. Třeća etapa puća – wot Budyšina do klóštra Marijina hwězda (20,5 km) – wjedźe přez Chrósćicy. Wučerpany putnik móže hižo tu do putniskeje hospody załožić.

Ekumeniski putniski puć »

Kolesowanske tury

Serbja.Wěra.Nałožki

W kraju tysac křižow. Mnohe křiže błyšća so při pućach a małych dróhach sewjernje Budyšina, stolicy Serbow. Žiwa wěra je charakteristiska za tu bydlacu narodnu mjeńšinu. Dwurěčne tafle a njeličomne křiže při pućach přewodźuja wopytowarja po cyłej čarje. Na mnohich městnach je hišće wšědnje serbšćina słyšeć. Strowjenje so na kraju słuša a wopytowarjo móža ze serbskim postrowom někotružkuli zajimawu rozmołwu zahajić.

Serbja.Wěra.Nałožki »

Křižerski procesion Chrósćicy - Pančicy-Kukow

Jutry su najwjetši křesćanski swjedźeń. Jutrowničku podadźa so křižerske procesiony na puć, zo bychu wjesołe poselstwo zrowastanjenja Chrystusa wozjewjeli.

Křižerski procesion Chrósćicy - Pančicy-Kukow »

Serbske impresije w Hornjej Łužicy

Kolesowanski puć „Serbske impresije“ wjedźe přez sydlenski rum Serbow, słowjanskeho ludu, kiž je tu ze 6. lětstotka žiwy a kiž je sej swoju rěč a kulturu hač do dźensnišeho wobchował. Najwočiwidniše znamjo zhromadnosće Němcow a Serbow su dwurěčne tafle městow, wsow a pućow.

Serbske impresije w Hornjej Łužicy »

Krabatowy kolesowanski puć

Po žiwjenskim puću serbskeje bajoweje figury. Krabat, najznaćiša Łužiska bajowa figura, nawukny w młynje pola Čorneho Chołmca rjemjesło kuzłarja. Jako wobsedźer wudwora we Wulkich Zdźarach sčini wón njepłódne pola płódne a da žumpadłam schnyć. Tura wjaza městnosće skutkowanja Krabata (historiski přikład běše z Chorwatskeje pochadźacy obrist Janko Šajatović (1624–1704)) hač k swojemu poslednjemu wotpočinkej w Kulowje.

Krabatowy kolesowanski puć »

Rjemjesło a tradicija

Kolesowanska tura za cyłu swójbu. Njebjelčicy tworja wrota k dwurěčnej Hornjej Łužicy. Jako symbol za to steja serbske wrota. Wone su z lubosću restawrowane a pyša wjesny centrum Njebjelčic.

Rjemjesło a tradicija »

Klóšterska tura

Kolesowanska tura za cyłu swójbu. Wona hodźi so idealnje jako piknikowa tura.

Klóšterska tura »

Krabat zetka Lessinga

Swójbam přichilena kolesowanska tura wot Njeswačidła do Kamjenca. Wopytajće mj. dr. Lessingowy muzej, Muzej Zapadneje Łužicy a Krabatowe hrajkanišćo.

Krabat zetka Lessinga »

Hornja Łužica na kolesu

Tura njezjednoći na njezapomnitych 620 km wokolneho kolesowanskeho puća jenož krajinowe a kulturne wjerški regiona.

Hornja Łužica na kolesu »

Wulětne cile

Budyšin

Přez tysac lět je Budyšin hižo žiwy centrum Hornjeje Łužicy, kotraž liči dźensa k najwoblubowanišim dowolowym regionam. Přičiny za to njetrjebaš dołho pytać. W Budyšinje a wokolinje čakaja telko "najlubšich městnow", zo cyle jednorje kóždy něšto namaka! Při dundanju po plestrowanych hasach stareho města abo při pikniku na bajkojtym brjohu Sprjewje. Abo w tych 80 korčmach nutřkowneho města, na slědach Serbow a wysoko horjeka na Budyskich wěžach.

Budyšin »

Kamjenc

Turistiske a kulturne poskitki Lessingoweho města Kamjenc skića njezapomnite wokomiki a dožiwjenja.

Kamjenc »

Wojerecy

Wojerecy su žiwjenja hódne a lubosćiwe město we Łužiskej jězorinje z atraktiwnymi kulturnymi, wólnočasnymi a kubłanskimi poskitkami – a z přećelnymi ludźimi.

Wojerecy »

Sawrijowy park Mały Wjelkow

Swójbny wólnočasny park z wjace hač 200 dinosawrijemi w žiwjenskej wulkosći!

Sawrijowy park Mały Wjelkow »

Hornjołužiska hola a haty

W sewjerowuchodźe Sakskeje w třiróžku mjez Němskej - Čěskej - Pólskej, hdźež poslednje wuběžki Łužiskeje pahórčiny zasobu wostajiš a wěže historiskeho stareho města Budyšina swoju siluetu pyša, započina so wosrjedź Hornjeje Łužicy region Hornjołužiska hola a haty. Wón je jedyn z na družinach najbohatšich regionow Němskeje.

Hornjołužiska hola a haty »

Krabatowy region

Bajowy KRABATowy region přeprošuje! W třiróžku městow Budyšin - Kamjenc - Wojerecy je KRABATowy region. Swoje mjeno je tuta kónčina přez stawizny a baje dóstała, kotrež wo Fausće - Krabaće, drje najznaćišej bajowej figurje dwurěčneje Łužicy, powědaja.

Krabatowy region »

Łužiska jězorina

Cyły region stanje so po wudobywanju brunicy z dowolowym paradizom. Najwjetša přez čłowječu ruku stworjena wódna krajina Europy nastanje z dwěmaj ducentomaj jězorami a pławnymi kanalemi.

Łužiska jězorina »

Jutry

Woznam jutrow a k stawiznam křižerjow w Chrósćicach »

Křižerjo hromadźa so w Chrósćicach 12:15 hodź. Jich puć wjedźe přez Swinarnju, hdźež je 45-mjeńšinska přestawka, do Pančic-Kukowa. Tu dojěchaja wokoło 15:00 hodź.

Wróćo jěchaja woni 15:30 hodź. přez Wudwor, Worklecy a Kozarcy. Křižerjo nawróća so wokoło 16:30 hodź. do Chrósćic.