Wuběr rěčow:

Serbska lajska dźiwadłowa skupina Chrósćicy

Lajske dźiwadło na wsy bě mjez publikumom přeco hižo jara woblubowane. Na tym so hač do dźensnišeho ničo změniło njeje. Chróšćanska lajska dźiwadłowa skupina nawjaza na wulku tradiciju wjesneho dźiwadła. Tak hraješe hižo wot 1945 do 1964 pod nawodom Pawoła Kmjeća.

 

1977 wozrodźi so dźiwadłowa skupina ze sydom wosobami. Organizatoriski nawod přewza tehdy Zala Cyžowa. 27 lět organizowaše wona proby a wustupy, staraše so wo kostimy a rekwizity. Zdobom pisaše chroniku. W lěće 2004 přewza Gabriela Lebzyna tute zastojnstwo. Ju naslěduje wot lěta 2017  Tobias Bulank. Wuměłski nawod měješe wot wšeho spočatka dźiwadźelnik Jan Mahr. Po jeho smjerći w lěće 2010  přewza tutón Tomaš Cyž.

 

Dotal je skupina swój swěrny publikum ze 27 inscenacijemi, wosebje z wjeselohrami, zahoriła. Njezapomnite pak wostanu historiska hra „Naš statok“, kotraž w lětomaj 1988 a 1989 pod hołym njebjom před Wotrowskim hrodźišću hraješe, a dramatiska hra „Hańža Hernaštec“ z lěta 2003. Nimo dźiwadźelenja wobdźělichu so někotři čłonojo skupiny w lěće 2008 při synchronizaciji estniskeho filma za dźěći „Ruudi“ a w lěće 2011 na nahrawanju kompjuterowe hry „Krabat a potajnstwo serbskeho krala“ w SAEK w Budyšinje.

 

Cyłkownu chroniku Serbskeje lajskeje dźiwadłoweje skupiny Chrósćicy z. t. namakaće tu ».

Kontakt

Serbska lajska dźiwadłowa skupina Chrósćicy z.t.

Lipowa 13

01920 Chrósćicy

Předsyda:

Tobias Bulank

Lěto załoženja: 1977

Ličba čłonow: 17