Lěta 2025 woswjećimy 800-lětnu róčnicu prěnjeho naspomnjenja Chrósćic a Prawoćic. Gmejna a wosada stej so w nazymje 2021 na puć podałoj zhromadnje jubilej přihotować a swjećić. Přejemy sebi, zo by swjedźeń nas jako wosada ze wšěmi swojimi dźělemi zwjazał, zwjazał wobydlerjow gmejny, zwjazał gmejnu a wosadu, zhromadnosć skrućił a za zhromadnosć zahorił.
800-lětne stawizny. Tutu dołhu dobu móže sebi lědyma štó woprawdźe předstajić. Mnohe podawki, dobre a njedobre, su naši prjedownicy dožiwić dyrbjeli a směli a přiwzali, a z tym wowliwowali a formowali gmejnu a wosadu, kajkejž wonej dźensa stej.
Tak daloko kaž stawizny wróćo sahaja chcemy tež do přichoda nadźiju wuprudźeć. Kóždy jednotliwc ma hižo dźensa, kaž w stawiznach tež, swój podźěl na dalšim wuwiću gmejny a wosady.
Hladajo naš jubilejny swjedźeń je nam jasne: my wšitcy smy zamołwići za to, zo so swjedźeń nam a našim hosćom lubi.
srjedu 11.06.
- 17:00 hodź. předstajenje musicala serbskeje zakładneje šule Chrósćicy w Jednoće
štwórtk 12.06.
– 19:00 hodź. předstajenje knihi "Chrósćicy - wosada, wjeski, žiwjenje" na Krawčikec žurli
pjatk 13.6.
17:00 hodź. wječorne kemše
18:00 hodź. wubědźowanje wohnjowych woborow na nawsy
20:00 hodź. zahajenje swjedźenskeho tydźenja a mytowanje dobyćerjow
- po tym reje z kapałomaj Šwintuchi a Holaski
sobotu 14.6.
13:00 do 17:00 hodź. dźeń rjemjesła w Chrósćicach a Prawoćicach
13:00 hodź. historiske wjedźenje přez Chrósćicy (start při swjedźenskim stanje)
16:00 do 18:00 hodź. kulturny program w stanje
19:30 hodź. reje z Horjanami a Chróšćan muzikantami
njedźelu 15.6.
9:00 hodź. kemše z hosćimi (se/ně)
11:00 hodź. rańše piwko a wobjed
13:30 hodź. historiski swjedźenski ćah, přizamknje so kofej a tykanc w stanje
póndźelu 16.6.
20:00 hodź. filmowy wječor w stanje
wutoru 17.6.
17:00 hodź. wjedźenje po přirodźe na hrodźišću w Kopšinje
19:00 hodź. wotewrjenje wustajeńcy molerja Maria Ošiki w gmejnskej sydarni
srjedu 18.6.
9:00 do 11:30 hodź. seniorowe dopołdnjo: nyšpor w stanje, program pěstowarnje, čitanje z jubilejneje knihi a přikusk
19:00 hodź. čitanje z jubilejneje knihi w stanje
štwórtk 19.6. Bože Ćěło
8:00 hodź. kemše z procesjónom (se/ně)
14:00 hodź. nyšpor z procesjónom
19:00 hodź. přednošk Móniki Gerdesoweje “Chrósćicy - stacija na Via Regii za putnikow něhdy a dźensa” w stanje
pjatk 20.6.
8:00 do 13:00 hodź. sportowy swjedźeń zakładnych šulow Chrósćicy, Pančicy-Kukow a Worklecy
sobotu 21.6.
wodychnyć 😉
njedźelu 22.6. Bože Ćěło
9:00 hodź. kemše a procesjón z nuncijusom arcybiskopom dr. Nicola Eterovićom a biskopom Heinrichom Timmereversom
11:00 do 13:30 hodź. wobjed a zhromadnosć na swjedźenišću
14:00 hodź. eucharistiski nyšpor z procesjónom na Bože Ćěło
