Přeprošuju wutrobnje na zjawne informaciske zarjadowanje, kotrež wotměje so
wutoru, dnja 12.08.2025 w 19 hodź. we wjacezaměrowej hali “Jednota”.
Planowanski běrow za wobnowjomne energije přednošuje wo móžnym nastajenju wětrnikow w našej gmejnje.
Marko Kliman
wjesnjanosta
Srjedu, dnja 03.09.2025 wobsteji mjez 15 do 19 hodź. we wjacezaměrowej hali "Jednota" w Chrósćicach móžnosć darjenja kreje. Prošu přizjewće so pod www.blutspende-nordost.de abo telefonisce pod 0800 1194911..
Budyski wokrjes pyta hladanske swójby
Chceće dźěsću lubosć a schowanosć dać, je w jeho wuwiću spěchować, při tym přewodźeć, dožiwjene předźěłać a je k samopostajenej wosobinje kubłać? Budyski wokrjes pyta zajimowane swójby, pory a samokubłacych, kotřiž chcedźa so tutomu nadawkej stajić. Hladanska dźěćaca słužba Budyskeho wokrjesa přeprošuje wutoru, 15. apryla 2025, 17:00 hač do 19:00 hodź., na přichodne onlinowe informaciske zarjadowanje.
Woni zhonja:
Čehodla stanu so dźěći z hladanskimi dźěćimi?
Kak stanješ so jako hladanska swójba?
Kotre nadawki ma hladanska swójba?
Kotre prawniske pozadki maja hladanske poměry?
Kak so hladanske swójby podpěruja?
Jeli maće zajim a chceće wjace wo tutej temje zhonić, sće wutrobnje přeprošeni. Přizjewjenje je pod https://www.landkreis-bautzen.de/pflegeeltern móžne.
Sobotu, dnja 22.02.2025 wotměja so we wjacezaměrowej hali Jednota přichodne čaporowe wiki.
Dalše informacije namakaće pod 22.02. Crostwitz bei Kamenz | SchwarzMaerkte | So macht man Märkte!
Česćeni plahowarjo skota,
prošu wobkedźbujće, zo sće jako plahowarjo konjow, howjadow, swinjow, wowcow, kozow, pjerizny, rybow a pčołkow zakońsce winowaći, tute přizjewić a přinošk zapłaćić.
Budyski wokrjes: Měrjenske jězdźidło zasadźene
Projekt „Digitalna integraciska platforma za nadróžne daty“ (DIS) dźe do přichodneje projektoweje fazy. Digitalizacija nadróžnych syćow wšitkich 57 gmejnow Budyskeho wokrjesa je daloko postupowała, nětko steji na njej natwarjacy wobjězd dróhow.
Wot apryla 2024 zasadźa so wosebite měrjenske jězdźidła wot firmy LEHMANN + PARTNER tzwr z Erfurta, kotrež su mj.dr. z wysoko rozpušćacymi kamerami a wšelakimi laserowymi skenerami wuhotowane. Tute jězdźidła přez přichodne měsacy wjace hač 4.500 km dróhi digitalnje zapřimnu a wuměrjeja. Přez wužiwanje wysokorozpušćacych a georeferencowanych wobrazow kaž tež laserowych mandatow dóstanu zarjady woprawdźitosći wotpowědowacy wotbłyšć swojeje infrastruktury, tak mjenowany „digitalny dwójnik“.
Z pomocu tutych datow so wšitke informacije zwěsća, kotrež su trěbne za digitalizaciju prawnisce trěbnych zapisow nadróžnych wobstatkow městow a gmejnow.
Při wobjězdźenju dróhi so postajenja datoweho škita konsekwentnje dodźerža. Na wosobu so poćahowace daty, kaž mjezwoča a Kfz-znamjenja, so awtomatisce njeznajomne činja.
Firma Lehmann + Partner wjeseli so na zhromadne dźěło.
Gmejna, towarstwa a wosada maja móžnosć, za swojich angažowanych čłonow próstwu wo kartku za čestnohamtskich stajić. Za to ma so slědowacy formular wupjelnić a na gmejnje wotedać.
