Dwurěčna Łužica ma ze swojej dwu- a wjacerěčnosću a kulturnej mnohotnosću wosebitu resursu a njedohódnoćomny pokład. Tohodla je přez Wustawu Swobodneho stata Sakska identita serbskeho ludu, hajenje a wuwiwanje jeho rěče a kultury zaručene a škitane. Wosebitu zamołwitosć maja w tutym nastupanju šule, předšulske a kulturne zarjadnišća.

"Chróšćan kołč" skići 25 dźěćom wot prěnjeho žiwjenskeho lěta w žłobiku a 55 pěstowarskim dźěćom městno. Přidatnje hladatej dnjowej maćeri dźesać žłobikowe dźěći w rumnosćach fary.

Wosebity cil  pěstowarnje je, dźěćom hižo w zažnej starobje serbsku rěč posrědkować a tak zažnu dwurěčnosć docpěć.

Přejeće sej za swoje dźěćo, zo pozdźišo raz wjacore rěče běžnje rěči? 

Zmóžniće jemu z nawuknjenjom wšelakich rěčow tak zahe kaž móžno započinać! 

Witaj – dar za waše dźěćo

Štóž sej za swoje dźěćo kubłanje w serbšćinje přeje, měł hižo při zastupje do pěstowarnje wuhibki wotpowědnje stajić a tam zahajeny puć zaměrnje hač k zakónčenju šulskeho časa dale kročić. Kubłanskej konceptaj “Witaj” a “2plus” złožujetej so na to, zo so we wšědnym dnju serbuje a wěda serbsce posrědkuje. Tak je wuknjenje rěče samozrozumliwje a njepřežada wuknjaceho. 

Wot małosće sem serbsce wuknyć

póndźelu – pjatka
06:30 hodź. - 16:30 hodź.

Nawodnica: Kerstin Šołćina
Hórnikowa dróha 36
01920 Chrósćicy
telefon | faks: 035796 96655
e-mejlka: kita.crostwitz@sorbischer-schulverein.de

Serbske šulske towarstwo z. t. »

Hort je na ležownosći zakładneje šule w domje něhdyšeje šule zaměstnjeny. Wón skići 80 šulerjam městno. Přidatnje k šuli přinošuje wón k zdźerženju a spěchowanju serbskeje rěče, kultury, tradicije a identity.

Na zahrodźe horta je zjawne hrajkanišćo. Z pomocu staršich bu wone 2018 z trěbnymi nastrojemi wuhotowane.

Nawodnica: Kerstin Šołćina
Hórnikowa dróha 36
01920 Chrósćicy
telefon | faks: 035796 96655
e-mejlka: kita.crostwitz@sorbischer-schulverein.de

Serbske šulske towarstwo z. t. »