Turizm
Na podnurnu staciju w Hórkach
Tura wjedźe z Chrósćic do Hórkow. Nahłe sćěny něhdyšeje skały a dźensnišeho nurjenskeho jězora skića fascinowacy napohlad.
Ekumeniski putniski puć
Ekumeniski putniski puć wjedźe jako dźělny wotrězk Jakuboweho puća a stareje Via Regije wot pólskeje hranicy pola Zhorjelca přez Saksku, Saksko-Anhaltsku a Durinsku hač do Vacha při rěce Werra. Tu ma putnik zwisk k Jakubowym pućam přez Hessensku. Třeća etapa puća – wot Budyšina do klóštra Marijina hwězda (20,5 km) – wjedźe přez Chrósćicy. Wučerpany putnik móže hižo tu do putniskeje hospody załožić.
Serbja.Wěra.Nałožki
W kraju tysac křižow. Mnohe křiže błyšća so při pućach a małych dróhach sewjernje Budyšina, stolicy Serbow. Žiwa wěra je charakteristiska za tu bydlacu narodnu mjeńšinu. Dwurěčne tafle a njeličomne křiže při pućach přewodźuja wopytowarja po cyłej čarje. Na mnohich městnach je hišće wšědnje serbšćina słyšeć. Strowjenje so na kraju słuša a wopytowarjo móža ze serbskim postrowom někotružkuli zajimawu rozmołwu zahajić.
Křižerski procesion Chrósćicy - Pančicy-Kukow
Jutry su najwjetši křesćanski swjedźeń. Jutrowničku podadźa so křižerske procesiony na puć, zo bychu wjesołe poselstwo zrowastanjenja Chrystusa wozjewjeli.
Křižerski procesion Chrósćicy - Pančicy-Kukow »
Serbske impresije w Hornjej Łužicy
Kolesowanski puć „Serbske impresije“ wjedźe přez sydlenski rum Serbow, słowjanskeho ludu, kiž je tu ze 6. lětstotka žiwy a kiž je sej swoju rěč a kulturu hač do dźensnišeho wobchował. Najwočiwidniše znamjo zhromadnosće Němcow a Serbow su dwurěčne tafle městow, wsow a pućow.
Serbske impresije w Hornjej Łužicy »
Krabatowy kolesowanski puć
Po žiwjenskim puću serbskeje bajoweje figury. Krabat, najznaćiša Łužiska bajowa figura, nawukny w młynje pola Čorneho Chołmca rjemjesło kuzłarja. Jako wobsedźer wudwora we Wulkich Zdźarach sčini wón njepłódne pola płódne a da žumpadłam schnyć. Tura wjaza městnosće skutkowanja Krabata (historiski přikład běše z Chorwatskeje pochadźacy obrist Janko Šajatović (1624–1704)) hač k swojemu poslednjemu wotpočinkej w Kulowje.
Rjemjesło a tradicija
Kolesowanska tura za cyłu swójbu. Njebjelčicy tworja wrota k dwurěčnej Hornjej Łužicy. Jako symbol za to steja serbske wrota. Wone su z lubosću restawrowane a pyša wjesny centrum Njebjelčic.
Klóšterska tura
Kolesowanska tura za cyłu swójbu. Wona hodźi so idealnje jako piknikowa tura.
Krabat zetka Lessinga
Swójbam přichilena kolesowanska tura wot Njeswačidła do Kamjenca. Wopytajće mj. dr. Lessingowy muzej, Muzej Zapadneje Łužicy a Krabatowe hrajkanišćo.
Hornja Łužica na kolesu
Tura njezjednoći na njezapomnitych 620 km wokolneho kolesowanskeho puća jenož krajinowe a kulturne wjerški regiona.
Budyšin
Přez tysac lět je Budyšin hižo žiwy centrum Hornjeje Łužicy, kotraž liči dźensa k najwoblubowanišim dowolowym regionam. Přičiny za to njetrjebaš dołho pytać. W Budyšinje a wokolinje čakaja telko "najlubšich městnow", zo cyle jednorje kóždy něšto namaka! Při dundanju po plestrowanych hasach stareho města abo při pikniku na bajkojtym brjohu Sprjewje. Abo w tych 80 korčmach nutřkowneho města, na slědach Serbow a wysoko horjeka na Budyskich wěžach.
Kamjenc
Turistiske a kulturne poskitki Lessingoweho města Kamjenc skića njezapomnite wokomiki a dožiwjenja.
Wojerecy
Wojerecy su žiwjenja hódne a lubosćiwe město we Łužiskej jězorinje z atraktiwnymi kulturnymi, wólnočasnymi a kubłanskimi poskitkami – a z přećelnymi ludźimi.
Sawrijowy park Mały Wjelkow
Swójbny wólnočasny park z wjace hač 200 dinosawrijemi w žiwjenskej wulkosći!
Hornjołužiska hola a haty
W sewjerowuchodźe Sakskeje w třiróžku mjez Němskej - Čěskej - Pólskej, hdźež poslednje wuběžki Łužiskeje pahórčiny zasobu wostajiš a wěže historiskeho stareho města Budyšina swoju siluetu pyša, započina so wosrjedź Hornjeje Łužicy region Hornjołužiska hola a haty. Wón je jedyn z na družinach najbohatšich regionow Němskeje.
Krabatowy region
Bajowy KRABATowy region přeprošuje! W třiróžku městow Budyšin - Kamjenc - Wojerecy je KRABATowy region. Swoje mjeno je tuta kónčina přez stawizny a baje dóstała, kotrež wo Fausće - Krabaće, drje najznaćišej bajowej figurje dwurěčneje Łužicy, powědaja.
Łužiska jězorina
Cyły region stanje so po wudobywanju brunicy z dowolowym paradizom. Najwjetša přez čłowječu ruku stworjena wódna krajina Europy nastanje z dwěmaj ducentomaj jězorami a pławnymi kanalemi.
Woznam jutrow a k stawiznam křižerjow w Chrósćicach »
Křižerjo hromadźa so w Chrósćicach 12:15 hodź. Jich puć wjedźe přez Swinarnju, hdźež je 45-mjeńšinska přestawka, do Pančic-Kukowa. Tu dojěchaja wokoło 15:00 hodź.
Wróćo jěchaja woni 15:30 hodź. přez Wudwor, Worklecy a Kozarcy. Křižerjo nawróća so wokoło 16:30 hodź. do Chrósćic.
Prózdninske bydlenje „Při swj. Ludmili“
André Cyž | Zejlerjowa 5 | 01920 Chrósćicy
telefon: 035796 95867 | e-mail: fewo-an-der-st-ludmila[at]t-online.de
fewo-an-der-st-ludmila.jimdo.com
Smolic štyristronski statok
Sćěpan Smoła | Hórki, Chróšćanska dróha 18 | 01920 Chrósćicy
telefon: 0174 3251445 | e-mail: info[at]vierseithof-schmole.de
Nurjenski jězor Hórki
Cosima Schiffauer | Hórki, Při skale 9 | 01920 Chrósćicy
telefon: 0172 8618729 | e-mail: info[at]tauchsee-horka.de
Putniska hospoda
Mónika Gerdesowa | Hórnikowa 24 | 01920 Chrósćicy
telefon: 035796 96464 | mobil: 0163 9838716 | e-mail: monikacrostwitz[at]gmail.com
www.pilgerherbergecrostwitz.de
Jara wobšěrne informacije k Serbam a jich kulturje namakaće na internetowej stronje Serbskeho kulturneho turizma z. t.
Tuž rozhladujće so pod www.tourismus-sorben.com
