Turizm

Chrósćicy - Zajimawostki wsy a jeje stawiznow

Tura wjedźe přez stawizny našeje wsy. Pozastanjemy při městnach jeje zašłosće, jeje kulturneho, nabožneho a socialneho žiwjenja a jeje towaršnostneje přitomnosće. Wona chce Wam regionalny wuznam, wuwiće a wosebitosće našeje domizny sposrědkować.

Puć: ca. 1000 m; čas: ca. 90 mjeńšinow.

Rěč: serbsce a/abo němsce

Poskićer: Tadej Šiman; tel.: 0174 7500658

Rjemjeslnicy, překupcy, předewzaćeljo - wjesne hospodarstwo něhdy a dźens

Tura wjedźe k slědam wšelakich rjemjesłow a přemysłoweje infrastruktury zašłosće a přitomnosće našeje wsy. Zeznajeće městnosće małorjemysłoweje a předewzaćelskeje dźěławosće a Wam so sposrědkuje přehlad wo změnach we wjesnym wobrazu minjenych 120 lět.

Puć: ca. 1000 m; čas: ca. 90 mjeńšinow.

Rěč: serbsce a/abo němsce

Poskićer: Tadej Šiman; tel.: 0174 7500658

Serbja.Wěra.Nałožki

W kraju tysac křižow. Mnohe křiže błyšća so při pućach a małych dróhach sewjernje Budyšina, stolicy Serbow. Žiwa wěra je charakteristiska za tu bydlacu narodnu mjeńšinu. Dwurěčne tafle a njeličomne křiže při pućach přewodźuja wopytowarja po cyłej čarje. Na mnohich městnach je hišće wšědnje serbšćina słyšeć. Strowjenje so na kraju słuša a wopytowarjo móža ze serbskim postrowom někotružkuli zajimawu rozmołwu zahajić.

Serbja.Wěra.Nałožki »

Křižerski procesion Chrósćicy - Pančicy-Kukow

Jutry su najwjetši křesćanski swjedźeń. Jutrowničku podadźa so křižerske procesiony na puć, zo bychu wjesołe poselstwo zrowastanjenja Chrystusa wozjewjeli.

Křižerski procesion Chrósćicy - Pančicy-Kukow »

Serbske impresije w Hornjej Łužicy

Kolesowanski puć „Serbske impresije“ wjedźe přez sydlenski rum Serbow, słowjanskeho ludu, kiž je tu ze 6. lětstotka žiwy a kiž je sej swoju rěč a kulturu hač do dźensnišeho wobchował. Najwočiwidniše znamjo zhromadnosće Němcow a Serbow su dwurěčne tafle městow, wsow a pućow.

Serbske impresije w Hornjej Łužicy »

Krabatowy kolesowanski puć

Po žiwjenskim puću serbskeje bajoweje figury. Krabat, najznaćiša Łužiska bajowa figura, nawukny w młynje pola Čorneho Chołmca rjemjesło kuzłarja. Jako wobsedźer wudwora we Wulkich Zdźarach sčini wón njepłódne pola płódne a da žumpadłam schnyć. Tura wjaza městnosće skutkowanja Krabata (historiski přikład běše z Chorwatskeje pochadźacy obrist Janko Šajatović (1624–1704)) hač k swojemu poslednjemu wotpočinkej w Kulowje.

Krabatowy kolesowanski puć »

Rjemjesło a tradicija

Kolesowanska tura za cyłu swójbu. Njebjelčicy tworja wrota k dwurěčnej Hornjej Łužicy. Jako symbol za to steja serbske wrota. Wone su z lubosću restawrowane a pyša wjesny centrum Njebjelčic.

Rjemjesło a tradicija »